Регионални младински акции против дискриминацијата и милитаризмот
„Денови на акција против дискриминацијата и милитаризмот 2013“
МИРОВНА АКЦИЈА
„Деновите на акција против дискриминацијата и милитаризмот“ е регионален настан и се случува по вторпат во организација на регионалната мрежа „Регионални младински акции против дискриминацијата и милитаризмот“. Млади активисти од Прилеп, Скопје и Тетово од Македонија, Крушевац од Србија, Тузла и Јабланица од Босна и Херцеговина и Приштина на Косово ќе се вклучат во годинашните активности со заедничка цел за зголемување на свесноста за присуството на дискриминацијата во средината каде живееме. Исто така, би сакале да ставиме и акцент на високото ниво на милитаризам кој е лесно мерлив преку нивото на национализам, хомофобија, мачо модели на однесување и особено преку присуството на различни типови на дискриминација базирана на етничкото потекло, род, религија или социјален статус.
Активностите за време на Деновите на акција против дискриминацијата и милитаризмот ќе вклучуваат работилници, панел дискусии, дебати, изложби, концерти, живи библиотеки, поделба на промотивни материјали, театарски изведби, flash-mob, спортски активности и радио емисии. Сите настани ќе се случат помеѓу 15-ти и 19-ти Мај 2013 година.
Деталната агенда на и повеќе детали поврзани со манифестацијата може да се најдат на веб страната на регионалната мрежа на www.stopdiskriminacija.net, како и Фејсбук страната www.facebook.com/RegionalnaOmladinskaAkcijaProtivDiskriminacije каде ќе бидат објавувани и дневните извештаи на активностите од „Деновите на акција..“.
Мировна акција е координатор на регионалната мрежа „Регионални младински акции против дискриминацијата и милитаризмот“.
Манифестацијата „Денови на акција..“ е поддржана од страна на Норвешкото министерство за надворешни работи.
