ЗДРУЖЕНИЕ МИРОВНА АКЦИЈА ПРИЛЕП
Објавува
ОТВОРЕН ПОВИК ЗА ДОСТАВУВАЊЕ НА ПОНУДИ
за
SEO оптимизацијата на две веб-страници на Мировна Акција
- Податоци за организација која го објавува повикот
Здружението Мировна акција Прилеп е непрофитна организација со канцеларија во Прилеп. Организацијата активно работи од 2002 година.
- Предмет на повикот
Мировна Акција е организација која се залага за промовирање на мирот, ненасилството и човековите права преку едукација, кампањи и активности насочени кон јакнење на заедниците. Со цел да го прошири својот опсег и влијание, Мировна Акција активно работи на подигање на свеста за важни општествени теми како што се мирот и правдата и своите активности ги промовира преку својата веб страна www.mirovnaakcija.org и наскоро и на веб страната www.2001.mk. SEO оптимизацијата на веб-страниците на Мировна Акција треба да вклучува детална анализа на клучните зборови, оптимизација на мета ознаки, подобрување на брзината на страниците и изработка на стратегии за содржина и линк билдинг.
- Нашите потреби се следните:
Мировна Акција бара SEO оптимизација за подобрување на видливоста и рангирањето на веб страните www.mirovnaakcija.org и www.2001.mk (во завршна фаза на изработка) на пребарувачите. Услугите што ги бараме вклучуваат:
- Анализа на клучни зборови и мета ознаки
- Оптимизација на технички аспекти на веб-страниците (брзина, мобилна верзија, структура)
- Стратегија за содржина и линк билдинг
Целта е да се зголеми органскиот сообраќај, да се подобри рангирањето на пребарувачите и да се зголеми свеста за мисијата на Мировна Акција.
- За таа цел, ве повикуваме да пратите Понуда во која ќе биде наведено:
- Цена за комплетни SEO услуги
- Детални активности во секоја фаза
- Примероци од претходна работа или референци
- Критериуми за оценување на понудите
Понудите ќе бидат оценувани според следните критериуми:
- Цена: Конкурентност на цената.
- Квалитет на претходна работа и референци: Преглед на претходно завршени проекти и успеси со SEO оптимизација.
- Технички пристап и иновации: Способност да се понудат иновативни решенија за специфичните потреби на нашата организација.
- Временски рок за повикот
Заинтересираните апликант(к)и може да аплицираат на повикот најкасно до 24.11.2024 година.
Избраните понудувачи, ќе бидат информирани за одлуката на Мировна акција на 27.11.2024.
- Поднесување на понуда
Понудите да се праќаат само на електронската пошта: office@mirovnaakcija.org.
Датум и место : 05.11.2024, Прилеп
