ЗДРУЖЕНИЕ МИРОВНА АКЦИЈА, ПРИЛЕП/ТЕТОВО
Објавува
ОТВОРЕН ПОВИК ЗА ДОСТАВУВАЊЕ НА ПОНУДИ
на
искусни тренери од областа на Соочување со минатото и изградба на мир за: Планирање и изведба на две дијалошки средби за теми поврзани со сеќавањето и изградбата на мирот за периодот втора половина на 20ти век и почеток на 21ви век.
- Предмет на повикот
Тренерите ќе работат во соработка со тренерски тим на Мировна акција со кој ќе треба да дизајнираат и изведат две дијалошки средби за теми поврзани со сеќавањето и изградбата на мирот за периодот втора половина на 20ти век и почеток на 21ви век. Дијалошките средби се за група наставници по историја со кои Мировна акција веќе има започнато процес на соработка.
Дијалошките средби треба да се изведат он-лајн до крајот на 2020 година. Деталната разработка на датумите за изведба и известување се договараат заедно со тимот во Мировна акција и наставниците.
Секоја од средбите е со времетраење од 2 дена. Деновите потребни за подготовки, координација и известување треба тренерскиот тим сам да ги предложи.
Ангажманот опфаќа:
- Планирање на дијалошките средби и координација со тимот на Мировна акција и со тимот на наставници;
- Детално планирање на средбите, работилници и временски распоред;
- Он-лајн изведба на Дијалошките средби;
- Подготвување на извештаи после секоја дијалошка средба во форма на детална Документација со детални описи на работилниците кои биле изведени.
- Критериуми за оценување на понудите
Критериумите за одбирање на набавката вклучуваат: пониска цена и квалитет на тренерско искуство во областите Изградба на мир и Соочување со минатото. Искуството во работа со наставници ќе се смета како предност.
- Поднесување на понуда
Понудите да се праќаат само на електронската пошта: office@mirovnaakcija.org.
Понудата да содржи: сума за ангажманот распоредена по дневници, или по средба, CV и опис на клучните компетенции кои гарантираат успешна изведба на Дијалошките средби.
- Временски рок за повикот
Заинтересираните апликант(к)и може да аплицираат на повикот најкасно до 22.10.2020 година (четврток) до 16 часот.
Избраните понудувачи, ќе бидат информирани за одлуката на Мировна акција на 26.10.2020 до 16 часот.
Датум и место : 09.10.2020, Прилеп
